05.09.2022

Xiva shahrining Yangi binokor mahallasida yoshlarni bilimini yana-da mustahkamlash, Prezident maktablari va boshqa ixtisoslashtirilgan maktablarida bilim olishlari uchun keng imkoniyatlar eshigini ochadigan yangi “MAMUN SCHOOL” nomidagi nodavlat notijorat maktabi o‘z faoliyatini boshladi.

Ushbu maktabning ochilishida Xiva shahar hokimligi mutasaddilari, shahar xalq taʼlimi bo‘limi mudiri, loyiha tashabbuskorlari, ota-onalar va bilim olish ishtiyoqda bo‘lgan yangi o‘quvchilar ishtirok qilishdi.

“MAMUN SCHOOL” nomidagi maktabda boshlang‘ich sinfdagi barcha fanlardan taʼlim (1-4-sinf) berilib qo‘shimcha intensiv ingliz tili, rus tili, mentol arifmetika va darsdan tashqari foydali mashg‘ulotlar olib boriladi.

Mazkur maktabning qamrovi 160 o‘ringa mo‘ljallangan bo‘lib zamonaviy jihozlar bilan taʼminlangan taʼlim tizimida yuqori ko‘rsatkichlarga ega bo‘lgan faol pedagoglarni jalb qilgan holda yoshlarga asosan rus va ingliz tillarida taʼlim berib boriladi.

Bilim olish uchun kelgan o‘quvchilar diqqatini yana-da jalb qilish maqsadida maktabning zinapoyalaridan chiqish davomida karra jadvallarini o‘rganish imkoniyatiga ham ega bo‘ladilar.