28.08.2022

2022 yil 28 avgust kuni Xorazm viloyati Xiva shahrida joylashgan «Farovon Khiva» mehmonxonasida O‘zbekiston Respublikasi Mustaqilligining 31 yilligi munosabati bilan hashar bo‘lib o‘tdi. Ushbu hasharda 110 nafar ishchi – xodimlar faol ishtirok etdilar.

Hashar davomida Mehmonxona tomonidan xodimlar uchun maxsus kofe- breyk tashkillashtirildi. Hashar bayramona kayfiyatda bo‘lib o‘tdi.

Ushbu hasharni o‘tkazishdan asosiy maqsad Mehmonxona xodimlari orasidagi do‘stona munosabatni yanada yaxshilash bilan birga mehmonlarga ko‘rsatiladigan xizmatlar sifatini yanada samarador bo‘lishiga hissa qo‘shishdir.

Halqamizda azaldan tozalik va orastalik, obodonchilik ishlariga alohida eʼtibor qaratilgan. Yurtimizda turli bayramlar, muqaddas sanalar oldidan umumxalq hasharini o‘tkazish va shu orqali hududlarni obodonlashtirish yaxshi anʼanaga aylangan.

“Farovon Khiva” mehmonxonasining tashqi va ichki ko‘rinishi, xonalarining har bir mayda detaligacha oliy toifali dizayner- injenerlar tomonidan tashkil topgan bo’lib, umumiy xonalarning soni 106 ta, ulardan 6 tasi Prezident apartamentlari, davlatimiz rahbari va boshqa yuqori martabali mehmonlarni bir necha bor qabul qilgan. Undan tashqari, mehmonxonada basseyn, fitnes zal, restoranlar va turli xil tadbirlarni o‘tkazish uchun 10 ta konferensiya zallari mavjud.

Shu jumladan, maʼmuriy ishlar bo‘limi, moliya bo‘limi, kadrlar bo‘limi, muhandislik bo‘limi, sotuv va marketing, mehmonlarni qabul qilish bo‘limi, xo‘jalik bo‘limi, oziq – ovqat va ichimliklar bo‘limi, xavfsizlik bo‘limi mavjud. Umumiy 175 nafar ishchi – xodimlar ish olib boradi.