14.05.2022

Ayol millatning ko‘rki hisoblanadi. Agar ayoldagi tabiiy go‘zallik yoniga nafosatu, nazokat, ijtimoiy faollik atrofdagi qaynoq hayotdan boxabarlik, orasta va oqilalik bilim hamda kamolat qo‘shilsa, shubhasiz u butun jamiyatning boyligiga aylanadi. Bugun Xiva shahar hokimligida Xorazm viloyati hokimi o‘rinbosari - oila va xotin-qizlar boshqarmasi boshlig‘i Gulsara Kurbanbayeva tomonidan o‘tkazilgan uchrashuv ham aynan shu mavzuga qaratildi. Uchrashuvga Xiva shahar,Xiva, Yangiariq tumanlaridagi oila va xotin-qizlar qo‘mitasi raislari boshchilik, mahalladagi ayollar faollari taklif etildi Asosiy maqsad, ayolning jamiyatdagi o‘rni va roli, yosh rahbar kadrlarni tayyorlash hamda xotin-qizlar uchun yaratilgan sharoitlar va imkoniyatlardan to‘g‘ri va o‘rinli foydalanish, o‘z haq-huquqlarimizni to‘la o‘rganishimiz, o‘zimizning har sohada o‘quvli va qobiliyatli ekanligimizni namoyon qilishimiz kerakligi taʼkidlandi.