Joriy yilning 12 aprel kuni ijtimoiy tarmoqlarda “Xiva shahrida yotqizilgan asfalt haqida qisqacha” mazmunda chiqarilgan xabar yuzasidan “Xiva shahar mintaqaviy yo‘llardan foydalanish” UK va «O‘zyo‘linspeksiya» Xorazm viloyati hududiy bo‘limi xodimlari ishtirokida tuzilgan ishchi guruh tomonidan o‘rganish o‘tkazildi.
Aniqlanishicha, mazkur holat Xiva shahar, Gulirayxon mahallasidagi Shodlik va Maftunkor ko‘chalarining kesishmasida joylashgan bo‘lib, O‘zbekiston Respublikasi Vazirlar Mahkamasining 23.03.2022 yildagi “Xiva shahar ko‘chalarini taʼmirlash tizimini yana-da takomillashtirish chora-tadbirlari to‘g‘risida”gi VMQ-125-sonli qaroriga asosan Shodlik ko‘chasining 1,481 km. uzunlikdagi ichki xo‘jalik yo‘lini asfaltobeton qoplama yotqizish belgilangan.
O‘rganishda, ushbu ko‘chada asfaltobeton qoplama yotqizish va qumtosh aralashmasi bilan yo‘l yoqasini mustahkamlash ishlari amalga oshirilgan bo‘lib, unda sifatsiz qurilish ishlari amalga oshirilmaganligiva qurilish ishlari loyiha-smeta hujjatlarida ko‘rsatilgan tartibda olib borilganligi maʼlum bo‘ldi.
Xiva shahar prokuraturasi
