Maʼlumki Qoraqalpog‘iston Respublikasi Shumanay tumani mahallalarida yashovchi kattalar, bolalar, nogironligi bo’lgan shaxslar, keksalar vat emir daftarga kiritilgan fuqarolarni Xorazm viloyatining tuman va shahar tibbiyot birlashmalarida faoliyat ko’rsatayotgan mutaxassislarni tibbiy ko’riklarga jalb qilish reja grafigi ishlab chiqilgan.

Jumladan, Xiva shahar tibbiyot birlashmasi ishchi guruhi “Shumanay” tumanining “Munchoqli”mahallasiga biriktirilgan edi.

Joriy yilning 25 mart kuni Xiva shahar tibbiyot birlashmasining tor soha mutaxassislaridan iborat ishchi guruh reja asosida Munchoqli mahallasida bo‘lib, ahlini tibbiy ko‘rikdan o‘tkazdi. Oilaviy poliklinikasida o‘tkazilgan tibbiy ko‘rikda 400 nafarga yaqin fuqarolar ishtirok qildi. Ko‘rik uchun UZI, EKG, labarotoriya ham jalb qilindi.

Shungdek, jarroh, kardiolog, koj-venerolog, nevropatolog, akusher-ginekolog, pediatr, travmatolog, onkolog, lor, okulist, endokrinolog, kabi soha mutaxassislari tomonidan nogironligi bo‘lgan bemorlar ham uylarida ko‘rikdan o‘tkazildi. Mahalla ahli Xiva shahar ishchi guruh aʼzolariga o‘z minnatdorchiligini bildirdi.

Xiva shahar hokimligi axborot xizmati