Bugun Xalq deputatlari Xiva shahar Kengashining navbatdagi oltmish yettinchi sessiyasi bo’lib o’tdi. Sessiyada deputatlar, sektor rahbarlari, tegishli idora-tashkilot rahbarlari hamda ommaviy axborot vositalari ishtirok etdilar.
Sessiyaga Xalq deputatlari Xiva shahar Kengashi raisi, shahar hokimi T.Davletov raislik qildi.
Sessiya kun tartibidagi 1-masala Xiva shahri bo‘yicha 2022 yilda qishloq xo‘jaligiga mo‘ljallanmagan yerlar uchun yuridik va jismoniy shaxslarning yer solig‘i stavkalariga hamda yuridik shaxslar uchun mol-mulk solig‘ini hisoblashda ko‘chmas mulklarning 1 kv.metr uchun belgilanadigan minimal miqdoriga o‘zgartirish kiritish to‘g‘risida bo’ldi.
2-masala yuzasidan Xiva shahar mahallabay ishlash va tadbirkorlikni rivojlantirish markazi boshlig‘i Umrbek Jumayazovning hokim yordamchilari faoliyatini natijadorligi va tadbirkorlik, kambag‘allik, ish bilan taʼminlash borasida amalga oshirilgan ishlar bo‘yicha xisoboti tinglandi.
Shuningdek, Xiva shahridagi mavjud qabristonlarni nomlash va qayta nomlash, Xiva shahrida kam taʼminlangan ijtimoiy ximoyaga muxtoj oilalarni “Temir daftar”ga va xar taraflama qiynalayotgan xotin-qizlarni “Ayollar daftari”ga kiritish, hamda “Ayollar daftari” jamg‘armasi, “Saxovat va ko‘mak” jamg‘armalari mablag‘larini sarflash, “Temir daftar” ro‘yxatida turgan extiyojmand oilalarga ko‘rsatilgan amaliy yordamlar natijasida bandligi taʼminlangan, daromad manbai yaratilgan oilalarni “Temir daftar”dan chiqarish to‘g‘risida bo’ldi.
Shu bilan birga, Xiva shahar hokimining “Yoshlar siyosati ijtimoiy rivojlantirish va maʼnaviy-maʼrifiy masalalar bo‘yicha o‘rinbosarining “Yoshlar daftari”ga kiritilgan yoshlarni ijtimoiy qo‘llab-quvvatlash bo‘yicha Vasiylik kengashi yig‘ilishining 2022 yil 4 martdagi 2-sonli bayonini tasdiqlash bo‘yicha 2022 yil 4 martdagi 8-182 sonli yozishmasi to‘g‘risida malumotlar berib o’tildi.
Shuningdek, Xiva shahar 3-sektor xududini kompleks ijtimoiy-iqtisodiy rivojlantirish maqsadida 2022 yilning 1-yarim yilligiga mo‘ljallangan “Yo‘l xarita”si ni tasdiqlash kabi masalalar ko’rilgan bo’lsa, O‘zbekiston Respublikasi Prezidentining 26.07.2021 yil “Aholiga ko‘rsatilayotgan tibbiy yordam sifatini yana-da yaxshilash chora-tadbirlari to‘g‘risida”gi PQ-5198-son qarorining Xiva shahrida bajarilishi yuzasidan Xalq demokratik partiyasi Xiva shahar Kengashining 28 fevral 1-sonli yozishmasi ham muhokama qilindi.
Sessiya kun tartibida 8 ta masala ko‘rib chiqildi. Kun tartibidagi masalalar yuzasidan tegishli mutasaddi rahbarlarning maʼruza va hisobotlari eshitildi hamda deputatlar fikri tinglanib, qaror qabul qilindi.
Xiva shahar hokimligi axborot xizmati
