Kun tartibidagi birinchi masala yuzasidan O‘zbekiston Respublikasi Prezidentining Xiva shahar Xalq qabulxonasi mudiri R.Allaberganovning “Shahardagi sektor, tashkilot va korxona rahbarlarining murojaatlari bilan ishlash shuningdek kambag‘allikni qisqartirish, aholi bandligini taʼminlash va tadbirkorlikni rivojlantirish bo‘yicha hokim yordamchilarining ish faoliyati yuzasidan” 2022 yil 1-chorak yakuni bo‘yicha axboroti tinglandi.
Kun tartibidagi ikkinchi masala yuzasidan Xiva shahar IIB Huqubuzarliklar profilaktikasi bo‘linmasi profilaktika katta inspektori kapitan F.X.Xudaynazarovning 2021 yil yakunlari bo‘yicha amalga oshirilgan profilaktik ishlar yuzasidan hisoboti tinglandi.
Kun tartibidagi uchinchi masala yuzasidan Xiva shahar aholi bandligiga ko‘maklashish markazi boshlig‘i vazifasini bajaruvchi M Matnazarovning “Shaharda 2022 yil yanvar-mart oylarida yangi ish o‘rinlari tashkil etish, aholi bandligi va ijtimoiy muhofazasini taʼminlash” borasida amalga oshirilgan ishlari yuzasidan hisoboti tinglandi.
Kun tartibidagi to’rtinchi masala Xiva shahar hokimining 2022 yil 25 mart 79-12-217-Q/22-son bilan Abdullayeva Zaynab Atabayevnaning Xiva shahar hokimi o‘rinbosari, oila va xotin-qizlar bo‘limi boshlig‘i vazifasini bajaruvchi etib tayinlash to‘g‘risidagi qarorini tasdiqlandi.
Kun tartibidagi beshinchi masala yuzasidan shahar hokimining birinchi o‘rinbosari X.Babayevning “O‘zbekiston Respublikasi Prezidentining 2021 yil 10 fevralda “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida”gi PF-6166-sonli Farmoni hamda O‘zbekiston Respublikasi Prezidentining “Ijro.gov.uz” ijro intizomi idoralararo yagona elektron tizimini samarali faoliyat ko‘rsatishini taʼminlashga qaratilgan qo‘shimcha chora-tadbirlar to‘g‘risida”gi 2021 yil 31 maydagi PQ-5132-sonli qarori doirasida Xiva shahar hokimligida ijro intizomiga amal qilinishi, jismoniy va yuridik shaxslarning murojaatlari bilan ishlashni holati to‘g‘risida hisoboti tinglandi.
Kun tartibidagi oltinchi masala Xiva shahar mahalliy byudjetining qo‘shimcha manbalari hisobidan byudjet tashkilotlari va byudjetdan mablag‘ oluvchilarga mablag‘ ajratish to‘g‘risida bo’ldi.
Kun tartibidagi yettinchi masala “Ayollar daftari” va “Saxovat va ko‘mak” jamg‘armalariga tushgan mablag‘larni sarflash to‘g‘risida bo’ldi.
Kun tartibidagi sakkizinchi masala yuzasidan Xiva shahar xokimligining moliya bo‘limi mudiri D.Ishchanov “O‘zbekiston Respublikasi Prezidentining 2021 yil 22 sentyabridagi “Ochiq byudjet” axborot portali orqali jamoatchilik fikri asosida shakllangan tadbirlarni moliyalashtirishni yanada kengaytirish chora-tadbirlari to‘g‘risidagi PQ-5250 sonli qarori ijrosi to‘g‘risida ma’lumot berib o’tdi.
Kun tartibidagi to’qqizinchi masala yuzasidan Xiva shahar tibbiyot birlashmasi bosh shifokori R.O.Pirnazarovning 2022 yil 1-chorak yakuni bo‘yicha hisoboti tinglandi.
Sessiyada Xiva shahar deputatlari, shahar tashkilot rahbarlari, mahalla raislari qatnashdilar.
Kun tartibidagi masalalar muhokama bo'lib, belgilangan tartibda ovozga qo'yilib, deputatlar tomonidan tasdiqlandi.
Xiva shahar hokimligi axborot xizmati
Biz bilan bo'ling!
