29.08.2022

Xiva shahar xalq taʼlimi bo‘limi tasarrufida umum o‘rta taʼlim maktablarida quyidagi ishlar amalga oshirilmoqda.

Yangi o‘quv yiliga tayyorgarlik yuzasidan Xorazm viloyati Xiva shahridagi bir qator maktablarda amalga oshirilayotgan qurilish va bunyodkorlik ishlari bilan vazirlik mutasaddilari, Xiva shahar hokimi hamda sektor rahbarlari tomonidan tanishib chiqildi.

Xorazm viloyati Xiva shahri “Mevaston” mahallasi hududida joylashgan 4-son maktab binosini “Investitsiya” dasturi doirasida mukammal taʼmirlash belgilangan.

Buyurtmachi tomonidan o‘tkazilgan elektron tender savdolarida “Xorazm Bobur Mirzo” masʼuliyati cheklangan jamiyati g‘olib deb topilgan.

Buyurtmachi hamda pudratchi o‘rtasida 29.03.2022 yilda 7463-sonli 2,838 mlrd.so‘mlik pudrat shartnomasi imzolangan bo‘lib, obyektni foydalanishga topshirish muddati 20.07.2022 yil etib belgilangan.

Bugungi kunda pudratchi tomonidan mukammal taʼmirlash ishlari tugatilib foydalanishga topshirildi.

Xiva shahrida Investitsiya dasturi doirasida 4 va 13-sonli hamda “Obod mahalla” dasturiga asosan esa 5-sonli maktablarda qurilish-taʼmirlash ishlari olib borilmoqda.

Bundan tashqari Openbudget.uz platformasi orqali Xivadagi 1 ta maktabda 500 mln.so‘mlik qurilish-taʼmirlash ishlari ham yakuniga yetmoqda.